DWESA-CWEBENATUURRESERVAAT

Vroegoggend gooi die son se strale liggeel strepe op die reuserotsplate wat net sigbaar is met laagwater. In die kuswoud teen die strand bars die oggendorkes van janfrederikke, gewone boskraaie en Natallysters los.

Ligpienk spookkrappe skarrel in hulle gate in en as jy gelukkig is, sien jy ’n Kaapse otter net voordat hy die water induik. Ja-nee, dis sekerlik hoe Adam gevoel het daai eerste paar dae... Waar? Dwesa is langs die Wildekus sowat 60 km noord van Morganbaai. Slaap oor Kamp op een van 40 staanplekke (tot 6 mense elk). Die kampterrein (sonder elektrisiteit) is basies; of slaap in ’n selfsorghouthuisie met ’n toegeruste kombuis met ’n gasstoof en yskas – hier is sonkrag. Kamp: Vanaf R244 per staanplek. Selfsorghuis: Vanaf R339 p.n. vir 2 mense en R656 p.n. vir 4 mense. Koste Dagbesoekers betaal ’n bewaringstarief van R11 p.p. en R6 per kind. 043 492 0883; visiteasterncape.co.za