HEUNINGWYSERS

Hierdie voëltjie help graag as ’n mens heuning soek: Hy lei jou tot by ’n byekorf, maar jy moet die korf self oopmaak. Jy kan die heuning vat, maar die heuningwyser soek die byelarwes en was as betaling vir sy werk.

’n Heuningwyser het spesiale bakterieë in sy maag wat help om was te verteer. Hy is een van net ’n paar diere wat was kan vreet. Dié voëltjie moet egter versigtig wees: Al het hy ’n ekstradik vel, is hy nie bestand teen bysteke nie.