Kanikaip
is ’n wilderniskamp op die oewer van die Oranjerivier in die Richtersveld-wêrelderfenisgebied, suid van die oorgrenspark. Jy ry van die dorpie Eksteen-fontein met ’n rowwe 4x4-pad al met ’n klipperige, soms sanderige, droë rivierbedding langs. Steil kranse en gevaarlike hellings troon oral rondom jou uit.
Jy moet álles inpak en selfonderhoudend wees om by Kanikaip te kan kamp, maar jou beloning vir die moeite om hier uit te kom is ’n grootse landskap, oerstilte én jou eie swempoel. Bespreek kampplek by Joel eksteenfonteintic@gmail.com of 027 851 7108.