EET EN KOOP HIER
Hello Eatery
By dié bistro kan jy heeldag ontbyt eet, ’n reuse-burger (R75) bestel (die pattie is tuigemaak!), en ook varsgebakte brood
(R35) en dík melkskommels (R38) kry. Vir ’n ligter maaltyd is die broodpeuselbord (R45) met gerasperde kaas en konfyt ’n uitstekende opsie.
Waar? Kerkstraat 42
Oop Ma. tot Sa. van 8 vm.-5 nm. Kontak 079 873 1526; soek vir “Hello Hopefield” op Facebook
COURTYARD RESTAURANT
Die Courtyard Classic (’n ruim porsie varsgebakte brood, roereier, spek, wors, uie, geroosterde tamatie en gesoteerde sampioene, R60) is ’n moet. Nie so honger nie? Bestel dan die granola met jogurt en heuning (R35).
Waar? Agter die Mill Country Fairperseel in Kerkstraat
Oop Sa. van 10 vm.-2 nm.
Kontak 022 723 1528
DIE PLAASMOL PADSTAL
Dis ’n kwekery, padstal, kroegie én restaurant net buite Hopefield. Bestel ’n bordjie aartappelskyfies en iets te drinke. En moenie vergeet om op pad uit ’n pakkie biltong te koop nie.
Waar? Sowat 1 km wes van Hopefield langs die R45 in Vredenburg se rigting
Oop Ma. tot Vr. van 9 vm.-5 nm. Kontak 074 924 8478; soek vir “Die PlaasMol (Hopefield)” op Facebook
CHEF AND FARMER
Trooskos gemaak van plaaslike bestanddele. Die sop van die dag (R30) verander saam met die seisoene en word met pitabrood voorgesit. Hulle bedien ook burgers, vis-en-skyfies en ’n allemintige 400 g-T-beensteak met skyfies (R120).
Waar? Voortrekkerstraat 24
Oop Di. tot Sa. van 9.30 vm.-8 nm. So. van 10 vm.-3 nm.
Kontak 071 023 1078;
chef-and-farmer.business.site
MILL COUNTRY FAIR
As daar iemand op Hopefield is wat kombucha fermenteer, met beet boer of brosbrood bak, sal jy hulle én hulle produkte by dié weeklikse markie raakloop.
Waar? Kerkstraat
Oop Sa. van 10 vm.-2 nm.
SIMPLY BEE
Helena van der Westhuizen, die eienaar, sê sy strewe daarna om natuurlike produkte werklik natuurlik te hou. Proe maar van Simply Bee se heuning en jy sal verstaan hoekom dié goue nektar Hopefield se gesogste uitvoerproduk is. Buiten heuning kan ’n mens ander produkte ook aanskaf, soos skoonmaakmiddels met ’n byewasbasis of heuninghanderoom. En gaan loer ook agter in die winkel – daar staan ’n glaskorf waarin ’n mens kan sien hoe die bye werk.
Waar? Kerkstraat 31
Oop Ma.-Vr. van 9 vm.-5 nm. Op Sa. sluit die winkel om 4 nm.
MOOI OM TE SIEN
DIE NG KERK SE ORREL
Dis na bewering een van slegs tien Forster & Andrews-orrels in die land en sowat ’n eeu oud.
Die orrel word mooi bewaar en steeds bespeel. Dis enorm! Van die pype is byna 5 m hoog. Hoor by die kerkkantoor of daar dalk ’n uitvoering of oefening is in die tyd wat jy op Hopefield kom draai en gaan sit dan en luister.
Waar? Hoek van Voortrekkeren Kerkstraat
Kontak 022 723 1416 (kerkkantoor)
DIE MONTE CHRISTO-TEATER
Op die laaste Saterdag van die maand is hier ’n optrede. Dis meestal plaaslike musikante, maar kunstenaars soos Rocco de Villiers het al opgetree. Die vertoning sluit ’n ete in. Bel vir pryse.
Waar? Rivierstraat 52
Kontak 083 440 6644;
montechristohopefield.co.za