Verken'n afgelee eiland
Vlieg met Airlink na St. Helena
Die St. Helena-eiland in die Suid-Atlantiese Oseaan is ’n uitsonderlike avontuurbestemming. Dié vulkaniese eiland strek oor 122 km² en het ’n skouspelagtige landskap met ’n endemiese wildlewe en ’n ryk plantlewe. Vroeër jare kon toeriste die eiland net besoek ná ’n bootreis van vyf dae. Maar vandag is die eiland maklik bereikbaar met vlugte elke Saterdag tussen O.R. Tambo-lughawe in Johannesburg en St. Helena. Op dié subtropiese eiland kan toeriste stap, voëlskyk, sportvisvang en duik. In die spitsseisoen is die seelewe ’n besonderse ervaring.
Kom kyk na boggelrugwalvisse, stompneusdolfyne, en karet- en groenskilpaaie. Asook horingrôe! Buite seisoen word onder meer begeleide fototoere op die eiland aangebied, sowel as skrywersklasse en jogasaamtrekke. ’n Eilandtoer is ’n lekker manier om die eiland se geologie, argitektuur en geskiedkundige plekke te verken. Toeriste kan heel jaar stap – altesame 22 Post Box-staptogte word aangebied én die Festival of Running in November.
RYKE GESKIEDENIS
Maak seker dat jy Jonathan, die wêreld se oudste skilpad, ontmoet. Daar word geglo hy het uitgebroei in 1832, net ’n dekade nadat Napoleon Bonaparte in bannelingskap op die eiland gesterf het.
Jy kan ook Longwood House besoek, waar Napoleon Bonaparte sy laaste dae deurgebring het. Bonaparte was nie die enigste bekende gevangene wat deur die Britse regering hierheen verban is nie.
Ons eie koning Dinuzulu kaCetshwayo was in 1890 hierheen gestuur vir sy rebellie teen die Britte.
Ook was 6000 Boeresoldate gedurende die AngloBoereoorlog na die eiland gestuur. Gaan besoek die gevangenekamp by Deadwood Plain, die Boerebegraafplaas by Knollcomes, aook Ladder Hill Fort en High Knoll om meer te leer oor die gebeure op die eiland.
Airlink word privaat besit en is finansieel onafhanklik. Dié lugredery het 55 roetes en bied die wydste netwerk en gekose vlugte in SuiderAfrika en na St. Helena-eiland. Airlink is betroubaar en meer as 95% op tyd. Hy bied 60 000 jaarlikse vlugte en bedien 1,9 miljoen kliënte elke jaar. Geniet Airlink se gasvryheid namate ons elke jaar hoër mik.
Indien St. Helena op jou moetsienlys is, vlieg soontoe met Airlink vir onvergeetlike herinneringe. Bespreek vlugte by flyairlink.com/ destinations/flights-to-st-helena of kontak jou reisagent. Gaan na
sthelenatourism.com vir meer inligting oor aktiwiteite en blyplek.