Mahindra spog met splinternuwe S11 Outomaties en S11 Karoo Outomaties
Mahindra Suid-Afrika verwelkom die nuwe jaar met ’n splinternuwe sesgangoutomatiese ratkas op sy gewilde Mahindra Pik Up dubbelkajuit-bakkie. Suid-Afrika is die eerste land in die wêreld waar die nuwe Pik Up Outo bekend gestel word, deels danksy die feit dat die bakkie hier getoets is. Mahindra het die Pik Up Outo vir ongeveer 12 maande in Suid-Afrika getoets, deels by die Gerotek-voertuigtoetsbane en deels in verskeie provinsies regoor die land. Die nuwe model sluit hom by die reeks Mahindra Pik Up modelle aan met ’n nuwe, hoë S11-spesifikasievlak wat in voorkoms en luukshede bo sy handrat-broers uitstaan. Mahindra het ook ’n spesiale Karoo-weergawe van sy outomatiese dubbelkajuit-model bekend gestel wat voortaan as vlagskip in die reeks sal dien.
Getoets in Suid-Afrika
Die nuwe sesgang-outo Pik Up Auto is beskikbaar met die keuse van ’n 4x2- en 4x4dryfstelsel.
In die nuwe modelle word hierdie ratkas gekoppel aan Mahindra se gewilde mHawk turbodiesel-enjin van 2.2 liter. Hierdie enjin lewer 103 kW teen 3 750 r/min en die ratkas is programmeer om die bes moontlike krag uit die enjin te tap. Daarbenewens lewer die enjin 320 Nm se wringkrag in ’n plat kragkurwe tussen 1 500 r/min en 2 800 r/min. Die nuwe outomatiese ratkas in die S11modelle bied ’n selfskakel-opsie indien die bestuurder self ratte wil wissel, en in 4x4weergawes is die bakkie toegerus met ’n knop om tussen 4x2, 4x4 in hoëstrek en 4x4 in laestrek te skakel.
Die outomatiese S11-model is ook toegerus met ’n spoedbeheer-stelsel vir gebruik teen steil afdraendes in veldry-modus. Hierdie spoedbeheer-stelsel kan beheer word deur die togbeheer-knoppe op die stuurwiel, wat selfs meer beheer aan die bestuurder gee.
S11 – gemaak om uit te staan
Met ’n nuwe voorkoms en ekstra stileringselemente gaan niemand sommer die S11 misken vir ’n ander Pik Up-model nie.
Met eerste oogopslag is dit duidelik, danksy die nuwe S11-sierrooster met groter, verchroomde luginlate. Hierdie sierrooster lyk soortgelyk aan die S11 Scorpio-modelle se sierrooster, maar op die Pik Up is daar nuwe kopligte en herontwerpte misligte, in nuwe
chroomhulsels, wat die model laat uitstaan. Naas die nuwe voorste voorkoms is daar oor nuwe kantspieëls met ingeboude flikkerligte wat uniek aan die S11-modelle is en wat seker maak dat hierdie model die oog vang.
Van agter gesien het die nuwe Pik Up ’n smaller, herontwerpte agterbuffer, ’n ingeboude tru-kamera in die laaibak-kap en ’n S11 Automatic-kenteken.
Volgepak met luukshede
Mahindra sit die luukse inslag van die S11modelle in die binneruim voort deur ’n hele aantal nuwe bykomstighede in die voertuig in te bou.
Een van die nuwe toevoegings is ’n nuwe 7” elektro-sensitiewe raakskerm vanwaar die insittendes die vermaak-opsies en voertuig-instellings kan verander. Hierdie raakskerm-stelsel is toegerus met USB- en Bl u et o ot h-koppeling vir musiek en koord los eselfoon gebruik, satelliet navigasie met stemopdragte, en die skerm wys ook die trukamera se beeld in volkleur.
Ander luukshede wa tas standaardtoerusting op die S11 Outomatiese modelle ingesluit is, sluit in elektroniese klimaatbeheer in stede van’ n standaard-lugversorging stelsel en ’n veelfunksie-stuurwiel met ingeboude skakelaars vir koordlose selfoongebruik, asook die vermaak-stelsel en vir die spoed beheerstelsel.
Die luukshede sluit natuurlik ook al die bykomstighede in wat in die S10-modelle gevind word. Dit beteken die S11 het onder meer twee lugsakke, ABS-remme met noodremhulp, voorste en agterste elektriese vensters, stabiliteit s beheer, IS OF I X-heg punte vir kinderstoeltjies en sentrale sluiting met outo-sluitfunksie as die bestuurder wegtrek.
Die Pik Up-koning – Die S11 Karoo
Mahindra het die eerste Karoo kort voor Kerstyd in 2018 bekend gestel ter viering van sy eerste monteeraanleg in Durban, KwaZuluNatal waar hy die hele reeks Mahindrabakkies monteer en lewer aan Suider-Afrika. Die Karoo het kort voor lank een van Mahindra se gewildste modelle geword, danksy sy unieke stilering en lang rits kosmetiese en funksionele bykomstighede. Nou is daar ’n spesiale Karoo-model van die S11 Outomaties ook beskikbaar wat selfs meer bykomstighede as voorheen het. Ten eerste staan die S11 Karoo duidelik uit, danksy ’n nuwe weergawe van die Karookentekens. Hierdie kentekens is in die nerfstamper en stileringstaaf ingebou en is ook aan die kante van die bakkie te sien.
Naas hierdie luukshede sal Mahindra elke
S11 Karoo (in beide 4x4 en 4x2) toerus met ’n sluitbare roldeur op die laaikap wat van stewige aluminium gemaak is. Die laairuim kry ’n duursame rubberlaag as standaardtoerustig.
Die S11 Karoo het boonop nuwe donker allooivellings wat spesifiek vir hierdie model ontwerp is.
Mahindra het ook die bekendstelling van die nuwe Karoo gebruik om opgraderings aan sy bestaande S6 Karoo en S10 Karoo te maak. Die S6 Karoo spog onder meer met nuwe Karoo-plakkers en ’n Karoo-kenteken wat nader aan dié van die S11 is. Op die S10 Karoo is daar nou ook nuwe Karoo-kentekens, nuwe sierwiele en ’n nuwe, gratis laairuim-seil.
Rasegte DNS
Die S11 Outo Pik Up het, hoewel dit die luuksste model in die reeks is, steeds al die eienskappe wat die Mahindra Pik Up só gewild maak.
Die Pik Up is gebou om hard te werk en duursaam te wees, maar steeds genoeg gemak en ruimte in die kajuit te bied vir die bestuurder en die ander insittendes.
Alle Mahindra Pik Up-modelle wat toegerus is met die mHawk enjin bied ’n grondvry-hoogte van 210 mm, en op 4x4 modelle is daar ekstra skermstukke vir veldry-werk. Die Pik Up het ook ’n dravermoë van 1 095 kg op 4x2 weergawes van die dubbelkajuit en 995 kg op 4x4 modelle.
Laastens word modelle toegerus met Mahindra se spesialse sluit-ewenaar op die agteras, vir beter veldryvernuf in alle omstandighede. Diegene wat graag die nuwe S11 Outo of S11 Outo Karoo in 4x2 of 4x4 wil toetsbestuur, kan gerus na die naaste Mahindra handelaar gaan. Meer inligting is beskikbaar by www.mahindra.co.za