Van bos tot kus
Kom saam met Weg en Bhejane en verken die palmstrande, helder water en manglietwoude van Mosambiek.
Ons begin in die Krugerwildtuin en reis oos na Mosambiek, oor die magtige Limpopo en die kusvloedvlakte. Die roete neem ons ooswaarts na die dorpie St. Jorge de Limpopo en in die rigting van Machaila. Op pad geniet ons ’n ligte middagete en slaan kamp op op die oewer van die Chefurivier vir die nag.
Vanoggend is ons vroeg op pad en reis na Machaila. Ons vat ’n tweespoorpad en ry steeds ooswaarts na die dorp Mabote, waar ons noord draai in die rigting van Vilankulos.
Soos ons reis, verander die grasvlaktes and woude in ’n smal strandstrook besaai met palmbome. Dié roete neem ons na ’n vissersdorpie reg oorkant die die noordelike punt van die Bazaruto-skiereiland en Inhassoro – ons gaan hier tuis by die Estrela de Mananisse- private lodge. Ons staan hier oor vir die volgende vier dae.
Van die lodge af kyk ’n mens uit oor die Bazarutobaai en jy het maklike toegang tot die strande. Van Estrela de Mananisse af kan elkeen dié tropiese paradys op eie stoom verken.
Ontspan op die ongerepte strande, geniet die weelde van jou blyplek, en bootvaarte na eilande rondom die skiereiland kan gereël word. Dis veilig om hier te snorkelduik en jy kan selfs die seelewe waardeer deur net in die vlak water te plas. En of jy nou kies om die manglietwoude te verken, inkopies doen in Vilankulos of net by Johnson’s Beach Bar aan mengeldrankies teug... ontspan gaan jy ontspan.
Ons roete huis toe loop via Xai-Xai en ons kamp vir twee aande by die Sunset Beach Lodge.
Daarna ry ons binneland toe deur die Limpopooorgrenspark en ons kampplek vir die aand kyk uit oor die Massingirdam waar visrarende na ons sal roep.
Ons kuier die laaste aand rondom die kampvuur.
BESONDERHEDE
DATUMS VIR 2020
14-23 Junie; 25 Junie – 4 Julie, 2-11 Augustus; 14-23 Augustus, 6-15 September; 19-28 September
9 dae, 10 nagte (tente en chalets) Koste R15 950 p.p. wat deel
(50% hiervan vir kinders jonger as 10)
WAT MOET EK BRING?
Jou eie voertuig en brandstof Jou eie slaapgoed en stoele Jou eie drink- en peuselgoed Reisversekering
Grens- en tolgeld
EN WAT VOORSIEN BHEJANE?
’n Toerleier wat ’n ervare avontuurgids is met hope bewaringskennis Radioverbinding
Alle maaltye, en koffie en tee terwyl jy kamp
Alle kamp- en lodgeverblyf en parktariewe
Alle geadverteerde aktiwiteite
Tente, eetgerei en messegoed