Goed om te weet
In 2016 het die departement van binnelandse sake Suid-Afrikaners in staat gestel om aanlyn aansoek te doen om hulle paspoort en identiteitskaart. Nadat jy die aansoekvorms aanlyn voltooi het, kon jy ’n afspraak maak by enige bank wat ’n Live Capturediens vir binnelandse sake bied. Daar gekom, is jou biometriese besonderhede verkry, waarna jy jou dokument kon afhaal sonder om ure lank in ’n ry te staan!
Die departement maak nóg 16 satelliettakke by verskeie banke in Suid-Afrika oop. Daar sal nou altesame 35 takke landwyd wees.
Jy moet egter ’n kliënt wees van die betrokke bank wat die diens verskaf. Tot dusver is die grootste konsentrasie e-takke in Johannesburg. Nuwe takke gaan in onder meer Pretoria, Pinetown, Kaapstad, Durban, Kimberley, Port Elizabeth en Kathu oopmaak.
Aansoekers in kleiner stede en dorpe sal dus in die toekoms ook baat vind by hierdie stelsel.
Banke wat vanjaar hulle Live Capture-dienste verder gaan uitbrei, is Absa, Nedbank, FNB en Standard Bank. Gaan na bit. ly/e-homeaffairs om te sien of dié diens by ’n tak naby jou aangebied gaan word.
As kind het jy dalk ’n foefieslaaid in jou tuin gehad, maar ek wed jou dit kom nie naby dié een nie! Mosselbaai spog tans met die wêreld se langste glykabel oor die see – 1 100 m – terwyl die wêreld teen 90 km/h by jou verbyflits.
As die see wild raak, gly jy sommer dwarsdeur ’n brander!
Afhangend van die weer is die glykabel elke dag oop.
Kabelgly oor die oseaan!
Waar? Pointstraat 6
Koste R450 p.p.
Kontak 068 022 9183; bespreek aanlyn by
mosselbayzipline.co.za