EET EN DRINK HIER
PORTERVILLE-BOEREMARK
Elke Saterdag kan jy by die Houdconstant-plaas in Porterville die Swartland se brode, ingelegde vrugte, pannekoeke en tuisgemaakte kombucha proe.
In seisoen is die plaaslike bessies op hulle beste: vrank met die eerste proe en dan stroopsoet! Jy gaan sakke vol koop.
Waar? Dis op die Houdconstantplaas oos van die dorp aan die einde van Bassonstraat.
Wanneer? Saterdag van 9 vm.-2 nm. Kontak 084 049 5757; “Porterville Farmer’s Market” op Facebook
MAMA CUCINA
Met die eerste oogopslag lyk ’n Italiaanse eetplek vreemd op Riebeek-Kasteel, maar as jy deur die lekker pizzabasis gebyt het, sal jy verstaan hoekom dit in dié koringstreek hoort.
Mama Cucina is gesellig en romanties, en die roomyskroegie sal die kleintjies gelukkig hou. Probeer The Keith Special pizza (R135) sonder kaas... en nee, meer gaan ek nie verklap nie.
Waar? Sarel Cilliersstraat, Riebeek-Kasteel
Oop Ma.-Vr.: 12 nm. tot 10 nm.; Sa. en So.: 8 nm.-10 nm. Kontak 022 448 1676;
mamacucina.co.za
NIEUWEDRIFT-WYNLANDGOED Johan Mostert is ’n vyfde generasie koringboer met ’n passie vir wynmaak. Hy wys jou stap vir stap hoe om vonkelwyn te maak, maar dis eintlik sy witwyn wat jou tot laat gaan laat kuier. En moenie die olywe vergeet nie.
Waar? 10 km buite Piketberg
Oop So.-Do.: 11 vm.-3 nm;
Vr. tot 9 nm.; Sa. tot 8 nm.
Kontak 064 607 0041;
nieuwedrift.co.za
THE MARMALADE CAT
Dis maklik om dié gesellige eetplek op Darling op te spoor: Wees net op die uitkyk vir die piekniektafel met die katbeeld bo-op.
Die roereiers en gerookte salm met ’n sny geroosterde ciabatta (R56) kombineer die geure van die Swartland en die Weskus. Of bestel
skons (R30) of bobotie (R98). Waar? Hoofstraat, Darling
Oop Elke dag van 8 vm.-4.30 nm. Kontak 022 492 2515
INDIE ALE CRAFT BREWERY
In die somer – selfs in die lente – kan die Swartland se hitte neerdrukkend wees. Hou jou koel met ’n drankie van die Indie Ale Craft Brewery. Die restaurant bedien tipiese kroegkos, maar dis die bier wat besoekers lok. My gunsteling is die 24 River Blonde.
Waar? 15 km suid van Porterville Oop Wo.-Do.: 11 vm.-5 nm.; Vr. tot 8 nm.; Sa. tot 9 nm.; So. tot 4 nm. Kontak 022 125 0187; “Indie Ale Craft Brewery” on Facebook
ORG DE RAC ORGANIC WINES Hierdie organiese wynplaas is op ’n heuwel net suid van Piketberg en het ’n mooi uitsig oor die omliggende veld. Dis ’n uitstekende plek om wyn te proe – proesessies kos vanaf R35.
Waar? N7, 10 km suid van Piketberg Oop Ma.-Vr.: 9 vm.-5 nm.;
Sa.: 9.30 vm.-2 nm.
Kontak 022 913 2397;
orgderac.co.za
NATIVO WINES
Die wynmaker Billy Hughes draai wyntradisies op sy kop en die resultaat is wyn wat nog lank op die palet draal en jou nóg langer op sy plaas laat kuier.
Waar? Neem die Piketbergpad van Malmesbury af en hou links by die vurk. Ná 3 km sal jy bordjies sien. Oop Maak ’n afspraak.
Kontak 083 270 2457;
nativo.co.za
SWARTLAND-WYN-ENOLYFROETE
Jolene Janse van Rensburg en ander locals wou wys dat die Swartland meer bied as net koringlanderye.
Hulle het dié roete geskep wat al die wynplase, olyfboorde en avontuurbestemmings in die omgewing insluit. Op die webtuiste leer jy waar die lekkerste wyn en kos in die Swartland te kry is. Kies ’n kol en ry!
Kontak 022 487 1133;
swartlandwineandolives.co.za >