WIELE
Die Alfa Romeo Stelvio-SNV is een van die vinnigste produksiesportnutse ter wêreld. Sy geheim? ’n Ferrari V6-dubbelturbo-enjin.
Alfa Romeo was waaghalsig genoeg om
’n Ferrari V6-dubbelturbo-enjin in sy Stelvio-sportnutsvoertuig te sit. Dit was ’n waagstuk wat uitstekend gewerk het.
DEUR
Die meeste ikoniese Duitse motorvervaardigers gebruik letters om hulle verrigtingsmodelle identiteit te gee: Porsche en Audi gebruik “RS,” Mercedes-Benz gebruik “AMG,” BMW gebruik “M” en Volkswagen “R”. Maar die Italianers gee op ’n meer romantiese ritme die pas aan. Daar pronk ’n quadrifoglio – ’n groen vierklawer op ’n wit driehoek – op elkeen van Alfa Romeo se vinnigste motors.
Soos met die meeste Italiaanse dinge lê ’n storie van liefde, geloof, hoop en veral geluk hieragter.
Dit begin byna 100 jaar gelede in 1923 met ’n Italiaanse renjaer genaamd Ugo Sivocci. Dié jong man had hope talent, maar hy kon net nooit die eindstreep eerste oorsteek nie. Toe hy inskryf vir die Targa Florio, ’n uithouren in die berge van Sisilië, het sy spanmaats by Alfa Romeo ’n vierklawer (op ’n wit vierkant) op sy renmotor geverf om vir hom geluk te bring. Dit het gewerk – hy het die ren gewen!
Sedertdien is ’n quadrifoglio op ál Alfa se top-verrigtingsmotors, maar die storie het ’n kinkel. Sivocci verongeluk enkele maande ná sy geskiedkundige oorwinning in ’n toetsmotor, ’n toetsmotor sonder die vierklawerlogo. Ter nagedagtenis aan hom word die een hoek van die wit vierkant verwyder en word ’n wit driehoek.
Dis sulke stories wat die eienaars van Alfa Romeo’s die mees toegewyde motorentoesiaste ter wêreld maak. Hoewel ’n Alfa selde perfek is en vir groot kopseer kan sorg, laat sy skoonheid en karakter jou hart vinniger klop.
Dis iets wat die Alfa Romeo
Stelvio Quadrifoglio baie goed doen. Dis reeds ’n mooi motor, maar die toevoeging van dieselfde V6-dubbelturbo-enjin wat jy in ’n Ferrari California kry, gaan met jou kop smokkel.
Die Stelvio QV was in ’n stadium die vinnigste sportnutsvoertuig ter wêreld wat binne 7 minute 51,7 sekondes om die berugte Nürburgring Nordschleife in Duitsland gejaag het. Die Nordschleife – 20,6 km lank met 170 draaie – is beslis nie vir amateurs nie.
Die verrigtingsyfers van die motor is verstommend: 0 tot
100 km/h in 3,8 sekondes; 375 kW krag; 600 Nm wringkrag; agtspoedoutomatiese ratkas wat ratte binne 150 millisekondes verwissel; vierwielaandrywing met aanpasbare vering; ’n wringas wat krag na verskillende wiele kan verplaas...
Maar die Stelvio QV bied veel meer as net verrigting.
As jy wil sien hoe petrolkoppe baklei, moet jy hulle aan die stry kry oor duur sportnutsvoertuie wat nie in die veld kan ry nie. Dis amper so erg as om mense te vra of hulle van pynappel op pizza hou.
Persoonlik sien ek nie die nut van ’n hoëverrigtingsportnutsvoertuig wat net op teer aard nie. Maar soos ’n goeie Hawaise pizza betrap die Stelvio jou onkant.
Sy uitbundige stilering – ’n kombinasie van grasieuse kurwes en spiertierlyne – staan uit in ’n saai see vol kliniese sportnutsvoertuie.
Daar is ook niks gewoons aan die binneruim nie. Rensitplekke gehul in Alcantara-leer, koolstofveselafwerkings, ’n groot rooi “Start”-knop en aluminiumratwisselaars op die stuurwiel herinner jou daaraan dat jy nie nou in Mamma se skoolbussie sit nie.
Wanneer jy daai rooi knop druk, gaan dit ’n tydjie neem voordat jy ophou glimlag. Die manjifieke enjin gorrel onheilspellend ongeag hoe suutjies jy die Stelvio probeer ry.
Jy ontketen ’n volle donderstorm deur “Dynamic” as bestuursmodus te kies gevolg deur “Race Mode”.
Hou vas en kyk mooi, want die horison kom dan baie vinnig op jou afgepyl!
Sodra jou hartklop na rustend terugkeer het, besin jy dalk oor of so ’n onlogiese warmbloedige masjien ’n bestaansreg in ons steriele wêreld het. Maar dalk moet jy jou net gelukkig ag dat vier klawers steeds bestaan...
Soos ons in die vorige artikel genoem het, is die beperking van enige 20A- of 25A-GS-GS-stelsel die feit dat die battery teen 25A of minder laai. Dit is veral van belang gedurende die “massafase” van die herlaaiproses.
Die grafiek hiernaas wys die herlaaikurwe van ’n 25A- teenoor ’n 40A-GS-GS-laaier. Hierdie toets is gedoen met ’n 140 Ah-AGM-battery wat met 110 Ah ontlaai is (78%).
Op die grafiek sal jy sien in dié spesifieke toets herlaai die NLDC-40 binne twee uur op die pad tot 30Ah méér as die NLDC-25. Daarna begin die NLDC-40 se herlaaikurwe afplat.
Hoewel die 40A-GS- GS-stelsel lyk na die volmaakte oplossing vir jou batterybehoeftes, bied die 40A net ’n voordeel tydens die “massafase” van herlaaiing. As jy die “absorpsiefase”
byreken, is die totale herlaaityd dieselfde vir albei produkte.
Dit is omdat die totale herlaaityd bepaal word deur die battery se tegnologie en nié die herlaaier nie.
Met ander woorde, die battery is die beperkende faktor.
Daar is ongelukkig geen manier om dit te systap nie, want die meeste loodsuurbatterye het ’n hele tydjie nodig om te herlaai. Daarteenoor sal ’n litiumbattery meer energie inneem tydens die “massafase” van herlaaiing, en daarom ook vinniger in die geheel herlaai.
Jy moet egter rand en sent teen mekaar weeg voor jy ’n litiumbattery vir ’n voertuigtoepassing aanskaf. Gelukkig werk die NLDC-40 en NLDC-25 met litium-ioon- en LiFeP04batterye, sowel as gewone oorstroomde, gel-, AGM- en kalsiumbatterye.
Uit daardie perspektief is ’n 40A-herlaaier voordelig as jy gewoonlik drie uur of minder bestuur. As jy langer as dít op die pad gaan wees, lewer die twee produkte min of meer dieselfde resultate. Daar is egter ander dinge wat jy ook moet oorweeg.
Soos ons reeds genoem het, speel sonkrag ’n groot rol by die installering van ’n GS-GSstelsel, waar die meeste topvlakprodukte ’n maksimumkragpuntopsporingreguleerder (’n sogenaamde MPPT-sonkragreguleerder) insluit.
As jou sonpaneel aan jou ekstra battery gekoppel is, hoef jy nie elke dag die voertuig te ry om die battery te herlaai nie. In die meeste gevalle sal die battery vol bly en in al jou kragbehoeftes voorsien.
Hierdie eienskap is veral belangrik vir ryhuise en woon- en veldwaens, omdat jy waarskynlik met hulle langer op een plek sal stilstaan.
Hoewel die 40A-GS-GS-herlaaier die tyd van die massaherlaaiing verminder, lê sy eintlike waarde in die gebruik saam met ’n batterybank of die installasie van groot sonkrageenhede.
Hier is ’n kort lys van wanneer ’n 40A-GSGS-stelsel die beste opsie is.
Ware 40A-uitsetstroom Vyffase-intelligenteherlaai-algoritme Ondersteun AGM-, gel-, natsel-, kalsiumlitium-ioon-battery
Alternator-toevoer van tot 32 V 40A-600W-MPPT-sonkragreguleerder Ondersteun sonkragpanele van tot 42 V Aparte GS-toevoer vir tot 32 V Versoenbaar met slimalternators
Batterytemperatuurkompensasie vir veilige herlaaiing
Verseëling met ’n IP67-gradering (waterdig)
Gepatenteerde terminaalblok Beskerming teen kortsluitings Beskerming teen omgekeerde polariteit Beskerming teen oorspanning Beskerming teen oorverhitting