WEET VOOR JY WAAI
DIE KERKMUIS
Die restaurant van die Oranjerivier-wynkelder se proelokaal bedien van ontbyt tot nagereg. Bestel ’n Kalahari of Grootdrink-peuselbord saam met ’n wynproe of sit aan vir ’n allegaartjie of regopstaanvarkribbetjies. Hulle is oop van Maandag tot Saterdag van 9 vm.-9 nm.
Kontak orangeriverwines.com 079 594 1339
KOPPIESKRAAL-KAMEELPLAAS Hier kan jy op die pan kamp of tussen die interessante swart ysterklippe wat dalk Farini se verlore Kalaharistad was. Hier is geen geriewe nie. Op die pan het jy wel die opsie om naby ’n puttoilet te kamp. Jy kan met die eienaars reël as jy die kamele van nader wil aanskou of die melkery wil bekyk. Hier is goeie hout te koop; R100 vir ’n groot streepsak.
Waar? Die plaas is 223 km van Upington en 120 km van die Kgalagadi-oorgenspark
Koste Kamp: Vanaf R200 p.p.
Kontak kameelplaas.co.za
073 367 6803
DREGHORN-GASTEPLAAS
Die vier kampplekke is omring deur duine en wyd uitmekaar. Elkeen by ’n mooi kameeldoringboom. Elke staanplek het sy eie netjiese badkamer en kombuis. Aan die ander kant van die duine is vyf selfsorgchalets met ’n gesellige gemeenskaplike braaien kuierarea. Die verblyf is sowat ’n kilometer van die plaashuis waar ’n kroeg en swembad is.
Waar? 210 km van Upington en 65km van die Kgalagadioorgrenspark
Koste Kamp: R50 p.n. twee mense, R80 per ekstra persoon. Chalets R550 p.p.
Kontak dreghornfarm.co.za 072 351 5395
KALAHARI ERFENIS
Hierdie is ’n gawe oornagplek as jy uit Gauteng se rigting op pad is Kgalagadi of Botswana toe. Dit gee ’n tikkie luuksheid voor of na die veldervaring. Kies tussen luukse kamers, selfsorgsafarieenhede of luukse tente. Die tente met netjiese beddens, staan onder ’n afdak met ’n braaiplek. Die tente deel badkamers en ’n kombuis- en kuierplek.
Waar? 350 km van Kgalagadioorgrenspark en 130 km van die McCarthy’s Rest-grenspos.
Koste Luukse tent: R750 p.n. vir twee mense. Luukse kamers en selfsorgsafari-eenhede: R1 100 p.n. vir twee mense.
Kontak kalahari-erfenis.co.za 073 178 8156
LOCH MAREE-GASTEPLAAS Die uitkykduin met sy wye uitsig en braai wat gereed staan, is besonders. Jy kan ook die mooi 4x4-roete aanvat. Die veldkamp het drie hutte en ’n kampplek met 10 staanplekke. Die gemeenskaplike braai- en kuierarea het krag. Jy kan ook in die veld kamp. Hier is ’n toilet en stort; jy moet ’n donkie stook.
Waar? 195 km van Upington en 85 km van die Kgalagadioorgrenspark
Koste Kamp: R150 p.p. Hut:
R450 p.p. (slaapplek vir 17 in die drie hutte). Hout is ingesluit by verblyf. Hier’s ook ’n selfsorghuis langs die eienaars se plaashuis: R700 p.p. met ontbyt (slaapplek vir ses).
Kontak lochmaree guestfarm.co.za
082 351 1834
KGALAGADI LIFESTYLE LODGE Die Black Mane Butcher & Grill is oop van 7 vm.-9 nm. Die lodge is ’n katspoegie van die Kgalagadioorgrenspark af en bied allerlei blyplek, van kamp met jou eie badkamer tussen die duine tot luukse selfsorgchalets.
Waar? 6 km suid van die Kgalagadi-oorgrenspark
Koste Kamp: R550 p.n. vir twee volwassenes en twee kinders, R100 per ekstra person (slaapplek vir ses). Selfsorgchalets: vanaf R550 p.p.
Kontak kgalagadi-lodge.co.za 054 325 0935