Hoender met nektariens en heuning
Vir 4
Voorbereityd 30 minute Gaarmaaktyd 45 minute
Jy benodig
• 4 hoenderkwarte (bouden dystukke of 8 dye)
• 1 teelepel matige kerriepoeier • sout en peper na smaak
• 2 eetlepels olyfolie
• 1 eetlepel botter
• 1 teelepel paprika
• 1 selderystingel, gekap
• 3 preie se wit gedeeltes, gekap • 3 knoffelhuisies, gekap
• 1 koppie hoenderaftreksel
• 1 koppie lemoensap
• 2 ryp nektariens, ontpit en elkeen in 8 wiggies gesny
• 1 eetlepel heuning
• 2 eetlepels platblaarpietersielie, gekap
Só maak jy
1 Sny diep kepe deur die vel van die hoenderstukke tot op die been, sowat 1,5 cm uitmekaar. Vryf die kerriepoeier, sout en peper oraloor die hoenderstukke – tot onder die vel ook.
2 Verhit die olie en botter saam in ’n oondvaste pan en braai die hoenderstukke tot oraloor goudbruin. Roer die paprika, seldery, preie en knoffel by en braai saam tot geurig. Roer die aftreksel en lemoensap by en prut rustig vir 30 minute of tot die hoender heeltemal gaar is. Bedruip die hoender gereeld en draai die stukke om soos nodig.
3 Voorverhit intussen die oond se roosterelement. Rangskik die perskeskyfies bo-op die hoender en drup die heuning oor. Bak onder die roosterelement tot die perskes mooi gekaramelliseer het – gewoonlik sowat 5 minute. Hou die perskes dop en draai om soos nodig dat hulle nie skroei nie. Strooi pietersielie oor en sit voor met gestoomde wit rys.
Somerslaai
Vir 6 as bykos of voorgereg Voorbereityd 25 minute
Jy benodig
• 1-2 koppe bros blaarslaai
(soos langblaarslaai)
• 1 sakkie (80 g) roketblare
• 200 g kersietamaties, gesny
• 1 klein komkommer, dun gesny • 100 g swart olywe,
ontpit en gesny
• 200 g romerige feta, in blokkies • 30ml dukkah
• 3 ryp nektariens, ontpit en in wiggies gesny
• 6 dun snytjies gerookte ham (ek verkies prosciutto crudo)
VIR DIE SLAAISOUS
• ½ koppie ekstra-suiwer olyfolie • 2 eetlepels suurlemoensap
• 2 eetlepels sjerrie- of appelasyn • 1 teelepel heuning
• 2 teelepels Dijon-mosterd
• 1 sprietui, gekap
• 1 klein knoffelhuisie, fyngekap • ½ koppie basiliekruid
• sout en peper na smaak
Só maak jy
1 Meng al die slaaisousbestanddele in ’n beker en verwerk met ’n staafmenger tot dik en glad. Geur na smaak met sout en peper.
2 Breek die blaarslaaikoppe in los blare, meng met die roket en ’n goeie skeut van die slaaisous en rangskik in ’n mooi opdienbord. Rangskik nou die tamatie, komkommer en olywe oraloor.
3 Rol die fetakaas in die dukkah en rangskik ook bo-op die slaai.
4 Sny die skyfies ham in kleiner stukke en vou die perskewiggies daarin toe. Versprei dit bo-op die slaai. Gee die slaai ’n laaste strooisel varsgemaalde swartpeper en sit voor met die ekstra slaaisous.
Ondersteboappelkoostert met amandels
Vir 12
Voorbereityd 40 minute Gaarmaaktyd 35 minute Oondtemperatuur 200 °C
Jy benodig
• ¾ koppie sagte botter
• ¾ koppie strooisuiker
• 1 teelepel vanieljegeursel
• 2 eiers
• 1 ½ koppie amandelmeel
• 3 eetlepels koekmeel
• ’n knippie sout
• 20 appelkose, ontpit en in wiggies gesny
• 1 rol (400 g) blaardeeg, ontdooi • 3 eetlepels appelkooskonfyt • vanieljeroomys om voor te sit
Só maak jy
1 Voorverhit die oond. Klits die botter, suiker en vanielje saam tot lig. Klits die eiers by en klits laaste die amandelmeel, koekmeel en sout by tot romerig.
2 Voer ’n reghoekige bakplaat met bakpapier uit en spuit met kleefwerende kossproei. Versprei die appelkooswiggies in ’n eweredige laag daarop. Skep nou lepels vol van die amandelmengsel oraloor en smeer dit dan versigtig platter om ’n eweredige laag te vorm.
3 Rol die deeg op ’n skoon werkoppervlak oop en rol dit effens dunner totdat jy ’n reghoek so groot soos die bakplaat het. Prik die oppervlak oraloor met ’n vurk en plaas die deeg bo-oor die appelkooslaag. Vou die rande soos ’n kombersie om die vulsel in.
4 Bak die tert vir 30 minute of totdat die deeg goudbruin en gaar is.
5 Haal die tert uit die oond en keer dit om op ’n kapplank. Voorverhit die oond se roosterelement. Gly nou die tert terug op die bakpapier op die bakplaat met die appelkooslaag bo, stip met die konfyt en rooster vir nog 5 minute totdat die konfyt gesmelt het en die bokant van die tert ’n kleurtjie kry. Sit warm voor met vanieljeroomys. Vars kruisement is opsioneel.
WENK Die tert bied ten minste 12 porsies, maar die soetsuur lekkerte is ryk en jy kan dit maklik in kleiner porsies voorsit.
Skons met pruimcompote
Vir 12
Voorbereityd 30 minute Gaarmaaktyd 20 minute Oondtemperatuur 200°C
Jy benodig
• 3½ koppies bruismeel
• 1 koppie room
• 1 koppie limonade
• ’n knippie sout
• ’n bietjie melk vir glasering (opsioneel)
VIR DIE PRUIMCOMPOTE
• 2 koppie gesnipperde pruim • 2 eetlepels heuning
• 1 eetlepel vars uitgedrukte
suurlemoensap
• 5 ml rooswater (of vanielje)
Só maak jy
1 Voorverhit die oond. Meng 3 koppies meel met die room, limonade en sout. Sodra die deeg bymekaarkom, keer dit op ’n meelbestrooide oppervlak uit. Gebruik die laaste halwe koppie meel oordeelkundig om die deeg te knie tot net glad en nie meer klewerig nie. Maar moenie dit onnodig meng nie.
Druk die deeg in ’n plat skyf – sowat 2 cm dik – en sny 5 cm-sirkels daaruit. Rangskik die skons op ’n gesmeerde bakplaatjie. (Ek gebruik altyd ook bakpapier).
Druk enige ekstra deeg weer bymekaar en sny nog skons uit tot al die deeg opgebruik is. Verf die skons met ’n bietjie melk en bak 15-20 minute of tot goudbruin en gaar.
Verhit intussen 1 koppie vrugte saam met die heuning en >