Tichadzosa mafaro: Zifa Bhora mutambo
MUTUNGAMIRI weZimbabwe Football Association Felton Kamambo anoti shanduko huru iri kuuya munhabvu yemuno uye bhodhi rake riri kuedza neparinogona kuti zviitike.
Kamambo akasarudzwa muna Zvita gore rapera kuve mutungamiri mutsva weZifa apo akakunda Phillip Chiyangwa.
Kuuya kwaKamambo kwakafadza vazhinji vanotsigira nhabvu avo vaiti nhabvu yakange yave kuzosimukira.
Asi pasina nguva mashoko akambotenderera ekuti mubhodhi reZifa makange mave nekusawirirana zvichitevera nyaya yemutevedzeri waKamambo, Gift Banda, uyo akadzinga Lloyd Mutasa naRahman Gumbo basa sevatevedzeri vemurairidzi wevemaWarriors - Sunday Chidzambwa - achivatsiva naTonderai Ndiraya naBongani Mafu asina kupihwa mvumo nebhodhi rese.
Banda akazorangwa nekuda kwenyaya iyi uye Kamambo anoti bhodhi rake riri kuwirirana zvikuru.
“Pese panoita zvinonetsa mutungamiri unofanirwa kurakidza hutungamiri hwako nekuyananisa kwete kuparadza.
“Isu nyaya iyi tinoiziva, tinoda chaizvo kuramba tichishanda naBanda uye achiri mubhodhi redu. Nyaya iyi ichiri kuongororwa, ndizvo zvandinokwanisa kutaura chete panguva ino,” anodaro Kamambo.
Kamambo anoti bhodhi rake riri kushanda kuti ridzose mufaro munhabvu kuti vatsigiri vemutambo uyu vaende kunoona mitambo vakasununguka uye vachifara.
“Chishuvo chedu kuti tidzosere nhabvu payakakodzera chete uye tidzose nhabvu yekare iyo yaifadza vatsigiri, kuitira pavanouya kunhandare vagouye nemufaro kuzoona zvikwata zvavo zvichitamba,” anodaro.
Achitaura nezvemaWarriors - ayo ari kungoda mutambo mumwe chete kuti ahwinhe tikiti rekuenda kuCairo, kuEgypt kumutambo we2019 Africa Cup of Nations - Kamambo anoti akaudza varairidzi kuti vatange gadziriro dzemutambo wekupedzisira uyo uchaona chikwata chenyika ichi chichisangana neCongo Brazzaville.
Anoti sangano ravo harisi kuda kusangana nezvaiitika kare kuti vamwe vatambi vainonoka kuuya kana vashevedzwa kuzotambira nyika.
“Isu chedu kuita zvinhu nemazvo, takaudza varairidzi vedu kuti toda kuita zvinhu nemazvo uye takarongeka. Hatidi kuita zvinhu tichimhanya, kuti zuva rekupedzisira ndipo totanga kumhanya kutsvaga matiki endege evatambi. Handizvo, tiri kuda kurongeka,” anodaro.
Anoti mutambo wemaWarriors neCongo Brazzaville hausi kuzotengeswa matikiti musi uyu asi vanoda kuenda kunoona vanofanirwa kugara vatenga matiki pachiri nenguva.
“Tave kutevedzera zviri kuitwa pasi rose kune dzimwe nyika, hatichatengesi matiki ekupinda munhandare musi wemutambo uyu. Asi, vanhu vanogara vatenga matikiti vozongouya kunhandare voona nhabvu yavo vakasununguka,” anodaro.
Zvakadai, vazhinji vangade kumboziva kuti Kamambo - uyo anonzi akambotamba nhabvu - akatambira zvikwata zvipi.
Kamambo anoti akatanga kutamba nhabvu aine makore masere ekuberekwa kuchikwata chevechidiki cheMhangura ndokukurirako kusvikira azotambira chevakuru.
Anoti akatambira Mhangura kwemakore akazobva ndokuenda kwaMurehwa uko akasvika achivamba chikwata cheMurehwa FC ndokubva achienda kuSanyati uko akanovamba zvakare Sanyati Football Club.
Kamambo anoti akazobva kuchikwata ichi achienda kuKadoma uko akanovamba Kadoma Grain Tigers.
Kadoma Grain Tigers ndicho chakave chikwata chake chekupedzisira kutambira ndokusendeka shangu dzake.
Achibva muKadoma, Kamambo akaenda kuKwekwe uko akanobatsira kuvamba chikwata cheKwekwe Silo United icho akafamba nacho kwemakore kusvika kambani yaaishandira yeGMB yakati haichakwanisa kuramba ichikotsvera nhabvu iye ndokubva atora chikwata ichi ndokuchitungamira.
“Mhangura ndiko kwandakakurira ndichitambira Mhangura United, pandakabva kuMhangura kwese kwandaienda ndaisvika ndichivamba chikwata cha- VAVERENGI, tinoda kuti mufembere, mutiudze kuti mutambo uripo pakati peManchester City neArsenal kuEtihad Stadium nemusi weSvondo uchapera sei.
Tumirai mhinduro dzenyu panhamba dzinoti 0714 200 007.
Hedzinoi mhinduro dzakatumirwa nevamwe vaverengi pamusoro pemutambo waiveko pakati peManchester United neArsenal kuEmirates Stadium nemusi weChishanu chadarika.
Mumutambo uyu, Manchester United yakahwinha 3 -1.
Nomatter Isusu Munuwa, paChi-town - Arsenal 2 Manchester United 2.
Baba vaVita, paChuru Farm - Arsenal 1 Man U 2.
Ndini Patrick Mupindu Njondapower, paRuwa - Arsenal 0 Manchester United 0.
Mark, Kambuzuma - Arsenal 2 Manchester United 1.
Buju, Chitamba Farm paGan’a - Arsenal 1 Man U 3.
Ndini Mjokeri - Manchester United 2 Arsenal 1.
Ndinonzi Last Mutsinzi Man cho ndini nekuti ndaisvika kusina.
“Murehwa, Sanyati uye neKadoma kuti ndiende kunzvimbo idzi ndaienda nebasa ndasvika ndobva ndasvikotangaisa chikwata chenhabvu nekuti kwainge kusina, apa ini ndaive nerudo nemutambo,” anodaro.
Gore rino, Kamambo anoti vanoda kumutsiridza U 2 Arsenal 1.
Linos Mhina, Kambuzuma - Arsenal 1 Manchester United 2.
Elliot Mapingire, paDZ Arsenal 1 Manchester United 2.
Lawrence Tom, Mainway, Waterfalls - Manchester United 2 Arsenal 1.
NdiSimba Chabvira, kuHopley - Arsenal inohwinha.
0782 566 045 - Arsenal 2 Man United 1.
NdiNelson Kubvedzi, paWhite House - Arsenal 2 Mau U 1.
Seh Tinah, paMutex - Arsenal 1 Manchester United 3.
Evans from Rusape - Arsenal 1 Manchester United 2.
Zita Webster Mutsveru, 0776 422 291 - Arsenal 1 Manchester United 2.
Mordkine Musasiwa - Arsenal 2 Manchester United 1.
Christopher Mbarure, paHarriana, Mvurwi - Mau U 2 Arsenal 0.
Advocate Chatikobo in Machipsa, Highfield - Mau U 3 Arsenal 1.
Linky, Nyazura - Man Unt 3 Arsenal 2. chirongwa chekusimudzira vechidiki munhabvu cheJunior Policy.
“Nhabvu tinofanirwa kutanga nevechidiki saka tiri kusimudzira maJunior League, hunge tikakwanisa kuwana vanokwanisa kudira mari asi tiri kushanda chaizvo kuti zviite uye ndicho chishuviro chedu,” anodaro Kamambo.