Tuindagboek Die somer is hier: Leer meer oor erfenissaad, kweek jou eie slaaiblare of gaan op ’n plaasuitstappie om vrugte te oes
Die voëls kwetter, die bye zoem en die miere is haastig. ’n Gerammel in die verte beteken ’n donderstorm is op pad. Iemand gaan haal turksvye uit die yskas en onder ’n boom sit jy en wag dat die dag se hitte wyk. Dis somer! Jane’s Delicious Garden,
Jane Griffiths,
Ja, min dinge is só lekker. skrywer van die kosboek gee wenke vir kraakvars slaaiblare – net wat jy nodig het vir ons resepte op bl. 98.
Jou gunstelingblare? Daar’s ’n hele paar: Roket; ’n mengsel van blaarslaai – van krakerige langblaarslaai ( cos lettuce) tot rooi-en-groen eikeslaai ( oak lettuce) met die valletjiesrokke; ‘Bright Lights’-spinasiebeet ( Swiss chard) met hulle pragtige rooi, groen en oranje stingels; suring; veldslaai ( lamb’s lettuce) vir ’n soet, sagte smaak; rooi en groen mosterdblare vir ’n byt; en kappertjieblare vir ’n pepersmaak. Saailinge of saad? As dit by slaaiblare kom, verkies ek saad. Dis goedkoper én jy kan kies uit ’n groter verskeidenheid. Maar as ek nie tyd het om te saai nie, is saailinge ook in die haak. Wenke vir gesonde blare? Slaaiblare hou van vrugbare, los grond en baie water. Die meeste somerslaaiblare is gelukkig in volson, behalwe kropslaai, wat smiddae skaduwee verkies. Slakke is vreeslik lief vir slaaiblare. Rol Goldilocks-potskuurders in lang worse en pak dit op die rande van die bedding om slak se kind in sy spoor te stuit. Plant ook kruie soos grasuie, pietersielie, basilie
en sprietuie tussen die blare. Dit sorg vir ’n gebalanseerde groei-omgewing, lok voordelige insekte en jaag skadelike insekte die skrik op die lyf. Én dis heerlik in ’n somerslaai. Hoe hou jy geplukte slaaiblare vars? Pluk die blare vroeg soggens of laatmiddag (nie in die middel van die dag nie). Sit dit vir ’n paar minute in ’n bak met koue water en draai dit dan in ’n slaaispinbak droog. As jy dit nie dadelik gaan gebruik nie, sit dit in ’n Ziploc-sakkie, blaas met ’n strooitjie lug in die sakkie en maak dit dadelik toe. Dit sal vir ’n paar dae vars bly in die yskas.
janesdeliciousgarden.com