Somerslaai Resepte waarmee jy selfs vleiseters se hart sal steel

Hier op die warmste dae sal jy selfs die grootste vleiseter kan omkoop met slaai, maar dan moet dit darem meer wees as ’n bord vol blare. Probeer een van dié blink nuwe planne wat rys, vleis en aartappels tweede sal laat kom.

Tot taamlik onlangs nog het ’n mens net een soort blaarslaai gekry: goeie ou hou-vir-ewig-in-die-yskas “Iceberg”, wat ons as knarserige kropslaai geken het. Onlangs is dié einste ysbergblaarslaai aan my voorgesit, maar dié slag is die hele slaaikop in wiggies gesny, met ’n dik bloukaas-slaaisous wat jy self oordrup…

Net daar het ek ’n kopskuif gemaak oor slaai, en allerhande interessante kombinasies begin uitdink om “bokkos” sy regmatige plek as ster van die somertafel te gee.

• In “Tuindagboek” (bl. 80) gee Jane Griffiths, skrywer van Jane’s Delicious Garden, wenke oor hoe jy jou eie kraakvars slaaiblare kan kweek.