Hier kiep-kiep
Ons is mal oor julle tydskrif, en al woon ons in Pretoria, is ons nog altyd maar half plattelanders. Ek boer met Ngunibeeste en my dogter, Katryn, het van kleins af al hoenders. Ná die hoenderhokprojek in Platteland #1 het ek vir Katryn ’n ordentlike hok gebou (foto bo) en vir haar ’n paar Potch-koekoeke gekoop wat bekend is vir hulle goeie eierproduksie. Katryn het nou haar eie freerange- besigheidjie en verkoop die eiers teen R2,50 elk, onder andere aan ons buurvrou. Sy is mal daaroor!