VLAG ’N SLAG

Ons is mal oor die Giant Flag-projek, ’n wilde dog wonderbaarlike plan om ’n lewende Suid-afrikaanse vlag van 66 ha in die woestynlandskap buite SuidAfrika se vierde oudste dorp, Graaff-reinet, te plant. Hiervoor gaan 2,5 miljoen geborgde vetplante gebruik word: Ferocactuspilosus (bekend as die “Mexican Fire Barrel”) vir die rooi; ons inheemse koolstofslurpende spekbos ( Portulacariaafra) vir die groen; ’n blou agavesoort bekend as die “Blue Butterfly” vir die blou; en ouma-se-stoelkussing ( Echinocactusgrusonii) vir die geel. ’n Wit gruispad word vir die wit band gebruik, terwyl ’n 4 MWsonpaneelveld, wat elektrisiteit vir tot 4 000 huise kan opwek, vir die swart gebruik gaan word. Neem ’n plant aan en dra by tot dié werkskeppingsprojek.

giantflag.co.za