Saligheid op Spier
Somertyd mik almal na die Spier-wynlandgoed buite Stellenbosch vir goeie wyn, ’n piekniek onder die bome en plaaslike kos by die restaurant Eight. Maar vir Platteland is die hoogtepunt die Secret Festival met sy kosmark onder die bome (foto) en waar plaaslike en internasionale lekkerbekke praat oor die toekoms van volhoubare kos – van die maniere waarop Brasiliaanse dorpies sonder elektrisiteit vleis, vrugte en groente bewaar tot Fritz Schoon wat die gehoor uitgeboul het met die storie oor hoe graan (en brood) ál minder voedsaam geword het (en wat hy daaraan doen). Dit was só fassinerend dat Platteland ’n groot graan-en-broodstorie doen in ons Herfs-uitgawe, wat vanaf 2 Maart 2015 landwyd te koop sal wees. Moenie dit misloop nie! spier.co.za