Ontmoet die mense
Pierre Joubert Voorsitter van die besproeiingsraad
“Die dorp is baie goed geleë. Hier het jy die beste van twee wêrelde: die pragtige landbouvallei, en die see by Jeffreysbaai is net ’n halfuur se ry hiervandaan.”
Lizelle van Waardenburg Kelnerin by die Padlangs-padstal
“Ek is al drie jaar hier. Al was dit aanvanklik ’n bietjie moeilik om in te skakel, geniet ek die gemeenskap nou baie. Hier’s net nie baie te doen vir jong mense nie!”
John Moore Hoteleienaar
“Ek is al sewe jaar hier. Ek het moeg geraak vir die stadslewe, en ’n gap gesien met die hotel. Nou is ek grys! Maar ja, die groot pluspunt is die hoër lewensgehalte… en dat alles wat jy nodig het, so naby aan mekaar is.”
Connie Müller Boer
“Ek het deur die jare al baie inkommers dopgehou. As hulle hier aanland, dan huil hulle oor hulle die stadslewe mis. Maar as hulle die slag weer hier moet weggaan, dan huil hulle éérs.”