Probeer is die beste geweer

Christene en Alida het dié raad vir mense wat ’n paar rand met seep wil verdien.

• Seepmaak is ’n wetenskap maar ook ’n kreatiewe uitlaatklep. Veral aan die begin loop dinge soms verkeerd – jy moet bereid wees om baie foute te maak en dan weer te probeer. Die Engelse sê fail forward.

• Seepmaak is fisieke harde werk. Ja, natuurlik moet jy ’n passie daarvoor hê, maar dis dryfkrag en deursettingsvermoë wat die knoop deurhak.

• Doen behoorlik navorsing – nie net oor die seepmaakproses nie, maar ook oor wie die mark is, wat hulle wil hê en nie wil hê nie, wie jou mededingers is, en hoe jy jou produkte gaan bemark.

• Doen alles in jou vermoë om nooit jou kliënte teleur te stel of in die steek te laat nie.