Dis somertyd… braaityd!
Min dinge is so mooi soos ’n sonsondergang op die platteland. Komaan, dis somer, dis vakansie… kom ons braai!
Dit was ’n lang dag in die groentetuin – skoffel, kompos inwerk, plant, uitdun, oes. Nou sit jy op die stoep met ’n glas tuisgemaakte gemmerbier en betrag die einde van die dag. Jy wuif vir die mense wat verbyry terwyl hulle huis kry. Dan hou ’n bakkie stil: Dis jou buurman met ’n bak vol appelkose wat hy pas gepluk het. Ryp en oranje soos die son op die horison.
Voor jou sis die Weber. Jou vleisie lê hoeka al en marineer, die braaibroodjies lê reg vir die laaste sagte hitte.
Maar wag, daardie appelkose – poeding! Dit staan alles opgeskryf in die Weber Braaibybel.
Gemmerbrood met gebraaide appelkose
Genoeg vir 4 Bereidingstyd 30 minute Hitte Indirekte en direkte matige hitte 180-230 °C (350-450 °F). Slegs vir gasbraai Braaityd 39-41 minute Toerusting 25 cm-gietysterbraaipan
Jy benodig
• 200 g koekmeel
• 1 teelepel (5 ml) fyn gemmer
• ¾ teelepel (3,75 ml) fyn kaneel
• ¾ teelepel (3,75 ml) koeksoda
• ¾ teelepel (3,75 ml) sout
• 125 g ongesoute botter
• 100 g suiker
• 1 groot eier teen kamertemperatuur
• ½ koppie (125 ml) melasse
• ½ koppie (125 ml) warm water
• 3 eetlepels (45 ml) gekapte
versuikerde gemmer
VIR DIE APPELKOSE
• 12 ferm ryp appelkose,
middeldeur gesny en pitte verwyder
• 4 eetlepels (60 ml) ongesoute
botter, gesmelt
• 3 eetlepels (45 ml) suiker
• 1 eetlepel donker rum (opsioneel)
OM VOOR TE SIT • 12 bolle vanieljeroomys
Só maak jy
1 Meng die meel, gemmer, kaneel, koeksoda en sout in ’n bakkie. Gebruik ’n elektriese klitser en klop die botter en suiker in ’n aparte bakkie vir 3 minute teen ’n hoë spoed tot lig en donsig. Klits die eier en dan die melasse by. Stel die klitser op ’n lae spoed en voeg die meelmengsel bietjies-bietjies by – skraap die kante van die bak met ’n spatel. Voeg die water by en meng alles deur tot glad. Roer laastens die versuikerde gemmer by. Smeer ’n 25 cmgietysterbraaipan met botter. Gooi die gemmerbroodbeslag daarin en maak dit gelyk.
2 Kry die braai reg vir die indirekte gaarmaak- metode oor matige hitte. Skrop die rooster mooi skoon. 3 Bak die gemmerbrood met die deksel op vir 35 minute oor indirekte matige hitte tot ’n sosatiestokkie skoon uitkom as jy dit in die middel insteek. Hou die braai se temperatuur so na as moontlik aan 180 °C (350 °F). Gebruik oondhandskoene en haal die pan versigtig van die braai af. 4 Meng die appelkose in ’n groot bak met die gesmelte botter, suiker en rum. Skep die appelkose uit en laat die oortollige botter terugdrup in die bak. Braai die appelkose vir 4-6 minute met die gesnyde kant na onder oor direkte matige hitte. Hou die deksel toe. Draai die appelkose een keer om en verf dit met die bottermengsel. Die gaarmaaktyd sal afhang van hoe ryp die appelkose is. 5 Sny die gemmerbrood in wiggies en sit dit warm voor saam met die appelkose. Skep die oorblywende bottermengsel oor en sit dit voor met ’n bol roomys.