Maak ’n spiraalholte

’n Spiraalholte is ’n goeie plan om sterk afloopreënwater op te vang. Dié een is ontwerp deur die permakultuurkenner Jamie Shepherd vir ’n Hoëveldse tuin teen ’n steil helling waar afloopwater in die somermaande van ’n hoërliggende eiendom deur dreineringsgate in die heining stroom.

’n Sloot is in ’n spiraalvorm gespit omdat dit ’n boog water “sagter” laat loop en die moontlikheid van erosie verminder. A ’n Boog versterk ook die “randeffek”: die beginsel dat groeikrag toeneem waar twee omgewings ontmoet, byvoorbeeld by die rand van ’n dammetjie.

Die sloot is vol takke gepak met kleiner organiese materiaal tussenin. B Nie-organiese materiaal kan ook gebruik word. Kompos en mis is bygevoeg en daarna grond. Die oortollige grond is gebruik om die dele tussen die “krulle” van die spiraal te lig. Stompe is op dié verhewe dele gebruik vir trapplek. Aan die begin van die somer is die saad van groot, middelslag- en klein groentesoorte kort ná mekaar geplant in sowel die verhewe dele as die vlak holtes, en ná elke uitstrooiing is die grond gehark. ’n Deklaag van takkies is bo-op die verhewe dele en vlak holtes gesit. Aanvanklik is dit nie natgelei nie. Slegs afloopreënwater is gebruik om ’n welige somerkostuin te skep.

C