8 beginsels vir die opvang van water

Alle doeltreffende wateroes-tegnieke – groot- en kleinskaals – volg dieselfde basiese beginsels. Met ’n bietjie tyd en moeite kan enige plek in ’n volhoubare oase verander word. 1

Begin deur die plek te bekyk Kyk waar die reënwater vloei, hoe dit vloei en wat reeds op jou grond werk. Dit gaan jou tyd en moeite spaar. 2

Begin bo Laat swaartekrag jou help. Begin op die hoogste deel van jou eiendom sodat die afloopwater beheer word voordat die spoed en volume daarvan buite beheer raak. 3

Stadiger is beter Probeer die vloei van reënwater soveel as moontlik vertraag en versprei dit oor jou eiendom eerder as om toe te laat dat dit van jou grond af wegvloei. 4

Groen is goed Probeer oop grond met plante bedek. Plantwortels maak die grond los, en water sypel makliker daarin weg. 5

Hou dit eenvoudig Gebruik opvangtegnieke wat jy maklik kan installeer en wat nie baie werk gaan verg as dit beskadig word en herstel moet word nie. Met ’n klomp klein opvangtegnieke (eerder as een groot projek) gaan die water beter wegsypel. 6

Hoe meer, hoe beter Beplan ’n oorlooproete op plekke waar water oorvloedig vloei. Aflope moet opgevang word, eerder as om weggelei te word. Kies uit ’n reeks keerdamme en bakke, sinkslote, vore, terreininsinkings en verhewe dele.

7 Gebruik veeldoelige tegnieke

Dit is die mees gevorderde beginsel, maar kan die grootste impak op ’n eiendom hê. Verander verhewe dele en keerdamme in looppaaie met bruggies. Kies plante wat

skaduwee gee en jou huis koel maak, óf wat jou beloon met kos.

8 Kyk die heeltyd jou eiendom goed deur

Dit is altyd belangrik om reënval en afloopwater op jou eiendom dop te hou, selfs nadat die aanvanklike opvangtegnieke toegepas is. Hou tred met wat die water doen en hoe jy kan verbeter.