’n Inheemse kuskwekery met ’n ‘ boombiblioteek’
Die Witbos-kwekery is in Boesmansriviermond in die OosKaap, halfpad tussen Port Elizabeth en Oos-londen. Rhalda en Rulan Heunis (foto regs) is die eienaars hier.
Dié kwekery lê binne die Albanie-kreupelhoutbioomgebied met ’n oorgangsklimaat tussen die Suid-kaap en Natal. Die streek is baie spesieryk, met sowat 350 boomsoorte plus ’n verskeidenheid aalwyne, struike en veldblomme.
Binne vyf jaar het die Heunisse meer as 200 inheemse bome in die arboretum by die kwekery geplant waar tuiniers bome wat in hulle tuin groei, kan identifiseer of kyk watter bome hulle graag wil plant.
Hier is Rhalda en Rulan se lys waterslim plante vir somertuine aan die kus. • Bome Kusvaalbos ( Brachylaena discolor); witysterhout ( Vepris lanceolata) en olienhout ( Olea europaea subsp. africana) • Struike Grootnoemnoem ( Carissa macrocarpa); kransaalwyn ( Aloe arborescens); kraanvoëlblom ( Strelitzia reginae) en wildegranaat ( Burchellia bubalina) • Grondbedekkers Rankbotterblom ( Gazania rigens); duinebloublommetjie ( Felicia echinata) Helichrysum cymosum of Helichrysum teretifolium
witbos.co.za 072 135 8625 of 082 960 9248