Ta­ma­tie-kasun­di

Weg! Platteland - - Kook Met Tamatie En Eiervrug -

Maak 1ℓ Be­rei­dings­tyd 20 mi­nu­te Gaar­maak­tyd 2 uur

Hier­die In­die­se blat­jang raak be­ter hoe lan­ger dit staan – ’n maand is die bes­te. Maar jy kan dit ook da­de­lik ge­bruik. Tra­di­si­o­neel is dit no­gal sterk, maar hier­die weer­ga­we is ma­ti­ger. Proe daar­aan – as jy meer van ’n byt ver­kies, sit 1-2 eet­le­pels ris­sie­poei­er by. Sit dit voor met ons ke­ker­ert­jie-koe­kies (re­sep hier­naas), ge­bak­te ei­ers vir ont­byt, op ’n toe­brood­jie of saam met ge­roos­ter­de vleis.

Jy be­no­dig

• ½ kop­pie (125 ml) o­lyf­o­lie

• 2 eet­le­pels (30 ml) mos­terd­saad­jies

• 1 eet­le­pel (15 ml) bor­rie

• 2 tak­kies vars ker­rie­bla­re

(of 1 eet­le­pel – 15 ml – ker­rie­poei­er)

• 2 eet­le­pels (30 ml) ko­myn­saad

• 2 tee­le­pels (30 ml) pa­pri­ka

• ½ kop­pie (125 ml) ge­ras­per­de

vars gem­mer

• 10 knof­fel­hui­sies, fyn­ge­kap

• 2 brand­ris­sies, pit­jies uit­ge­skraap

• ¾ kop­pie (180 ml) mout­bruin­a­syn

( mal­ted vi­ne­gar)

• 1 kg ryp ta­ma­ties, ge­kap

• 1 kop­pie (250 ml) bruin­sui­ker

• 2 eet­le­pels (30 ml) sout

Só maak jy

Ver­hit die o­lie in ’n groot ka­strol en voeg die mosterd, bor­rie, ker­rie, ko­myn en pa­pri­ka by. Braai die spe­se­rye vir 4 mi­nu­te ter­wyl jy dit die heel­tyd roer. Gooi die gem­mer, knof­fel en brand­ris­sie by en roer al­les ’n paar mi­nu­te son­der om dit bruin te braai. Voeg die res van die be­stand­de­le by en prut dit vir 1-2 uur oor lae hit­te tot­dat die meng­sel ver­dik. Roer dit el­ke nou en dan so­dat dit nie aan­brand nie. Skep die warm meng­sel in ge­ste­ri­li­seer­de flesse en ge­bruik dit ná 1 maand.

Newspapers in Afrikaans

Newspapers from South Africa

© PressReader. All rights reserved.