Kekerertjie-koekies

Genoeg vir 4 Bereidingstyd 10 minute Gaarmaaktyd 30 minute

Jy benodig

• 2 eetlepels (30 ml) olyfolie

• 1 wortel, gerasper

• 1 ui, gerasper

• 4 knoffelhuisies, fyngekap

• ’n knippie sout

• ¼ koppie (60 ml) vars pietersielie,

fyngekap

• 400 g gaar kekerertjies

• 2 eetlepels (30 ml) broodkrummels

• 1 eetlepel (15 ml) tahini

• 1 teelepel (5 ml) gerookte paprika

• sap van ½ suurlemoen

• 1 teelepel (5 ml) elk komyn, knoffelpoeier,

uiepoeier en vinkelsaad

Só maak jy

Verhit die olie en soteer die wortel, ui en knoffel vir 20 minute tot dit sag en gekaramelliseer is. Geur dit met sout na smaak. Roer die pietersielie deur en haal dit van die plaat af. Pols die kekerertjies ’n paar keer in ’n voedselverwerker en druk dit dan verder met ’n vurk fyn. Dit moet fyn genoeg wees om koekies te vorm, maar nie heeltemal ’n puree wees nie – ’n korrelrige tekstuur is net reg. Roer die res van die bestanddele en die groente daardeur en meng dit met ’n lepel. Vorm patties en vlakbraai dit oor ’n matige hitte tot bros en gaar. Sit dit voor met die tamatie-kasundi (resep hiernaas) of ’n ander blatjang of rissiesous van jou keuse. >