Tamatie-hummus
Maak 2 koppies Bereidingstyd 10 minute
Gee hierdie klassieke resep ’n onweerstaanbare somerkinkel.
Jy benodig
• 400 g gaar kekerertjies
• 3 eetlepels (45 ml) tahini
• sap van 1 suurlemoen
• 1/3 koppie (80 ml) sondroogtamaties,
olie afgegooi en geklad
• 1 eetlepel (15 ml) van die
sondroogtamaties se olie
• ¼ koppie (60 ml) kookwater
Só maak jy
Sit die gekookte kekerertjies saam met die tahini, suurlemoensap en sondroogtamaties in ’n voedselverwerker en pols dit tot alles goed gemeng is. Voeg die olie en water by en pols dit vinnig totdat jy die regte tekstuur het. ’n Lekker happie is om skyfies eiervrug te panbraai tot sag. Skep ’n eetlepel van die tamatie-hummus op elkeen, rol dit op en eet dit as ’n voorgereg of tapa.