DIE BESTE BOME VIR KOELTE
Vir koel lafenis plant Petro Jacobs graag die volgende – meestal immergroen – bome.
• Waterpeer ( Syzygium guineense) met sy rooi bessies groei lekker vinnig en die wortelstelsel is nie aggressief nie.
• Laventelbome ( Heteropyxis natalensis) kan ook naby die huis geplant word en is geskik vir klein tuine.
• Kaapse essenhout ( Ekebergia capensis) en wildepruim ( Harpephyllum caffrum) lok voëls, maar plant dié twee liefs verder weg van geboue of mure omdat die wortels moles kan maak.
• Liquidambar stryraciflua is ’n mooi bladwisselende boom vir ’n kleurontploffing in die herfs, maar pasop: Dié uitheemse reus het redelik laterale oppervlakwortels wat soms harde oppervlakke soos plaveisel beskadig.