Watermistoestelle
Min dinge koel ’n mens so af soos water, en die vernuftige watermistoestelle waarmee restaurante hulle klante koel hou, is nou ook vir huishoudelike gebruik te kry – van selfdoenstelle tot professionele installasies en missambrele. Dit werk vinnig: ’n Hoëdrukpomp dwing water deur buise wat dan ’n mikrofyn mis uitblaas. Wanneer dié druppeltjies verdamp, verkoel dit die lug onmiddellik met tot 12 ºc. Wenk Mistoestelle help ook om insekte weg te hou. Prys Orbit Arizonamist Kool-kit-stel (regs), gereed vir installasie met kouewaterhooftoevoer R402 (met 3 m pyp) by Agrimark. kaapagri.co.za Classic Line-seildoeksambreel (links) van 2 x 2 m met ’n Teflon-afwerking, aluminiumstruktuur, sementbasis en waterbestande Pvc-oortreksel, 4 koperspuite en poli-utereenpype R2 793 van Mistingsa. mistingsa.co.za