Lugreëling

Dis duur om te installeer en aan die gang te hou, maar op sommige dorpe eenvoudig onontbeerlik. Marius Louw van Louwco Cooling Solutions op Wellington verduidelik: “Die grootte van die lugversorger wat jy moet installeer, word in BTU (Britse termiese eenhede) gemeet en wissel na gelang van die vertrek se grootte, hoeveel son dit kry, en isolering. As jou BTU verkeerd bereken word, gaan jou kragverbruik die hoogte inskiet.” Wenke • Marius raai verbruikers aan om energiebesparende eenhede te installeer, seker te maak wat die waarborg dek, en om te onthou lugversorgers moet elke jaar deur ’n geakkrediteerde persoon gediens word. • Danksy die Europese Unie se nuwe seisoenale energie-etiket kan verbruikers lugversorgers beter vergelyk. ’n Klassifikasie van A++++ is die energiedoeltreffendste. • Van die nuwer modelle, soos Samsung se Triangle Ar9000-reeks, kan jy danksy Wifi ’n halfuur voordat jy by die huis kom, aanskakel, waar jy jou ook al bevind. Só kan jy ook heelwat elektrisiteit bespaar, sê Michael Mckechnie van Samsung Electronics SA. • Losstaande lugversorgers van handelsmerke soos De’longhi is teen sowat R7 000 heelwat goedkoper as die soort wat permanent geïnstalleer word, maar onthou: Dié eenhede het ook ’n pyp wat die warm lug na buite moet uitblaas en is dus nie so draagbaar soos die bemarkingsmateriaal dikwels voorgee nie. Prys Lugversorger 12 000 BTU Samsung R410 Non-inverter AR5000 sowat R7 199 (installasie uitgesluit) Samsung

samsung.com/za/home Installasie Marius het ’n totale installasiekoste van sowat R12 000 uitgewerk vir dié denkbeeldige scenario: ’n vertrek van 40 m2 in die Paarl-omgewing met ’n 24 000 BTU Samsung R410 Non-inverterlugversorger wat rug-aan-rug met 1 m pyp geïnstalleer word.

Louwco Cooling Solutions

louwco.co.za