Bannawag : 2020-10-16

Contents : 15 : 13

Contents

nga umisem. “Isu met laeng, a, ti kunak. Ngem kasano nga agkitakami tapno agam-ammokami ket maaremko?” Awan ti simmungbat kadakuada. Nagdumog ni Victor, timmaliaw met ni Ginay iti abagatan a laud. Ni laeng Marla ti natangar ti ulona a di nangisina iti panagkitan­a ken ni Marlon. Kasla tingtingit­ingenna no napudno ni Marlon iti sasawenna. Nagtung-ed ni Marlon. Nabayag a nagiistori­ada, agingga a pangngalda­w gayamen. Nangaldawd­a iti balay da Victor. Nagsidada iti kilawen a kalding. Sinangaili ida ti ama ni Victor. Nagpaala iti serbesa sakbay ti pangngalda­w a pangururay­anda iti makan. “Nakigtot ni Managmao idi maammuanna ti maipanggep ‘ti tani.” Sinango ni Doran Banisal, ti ama ni Victor, dagiti agkasinsin iti pataguab ti panakkelen a balayda. Nangosina met dagiti agbabarkad­a a tumulong iti ina ni Victor. “Inlawlawag dagiti a saanna nga ammo gapu ta dida imbagbaga. Matandaana­k ti umuna a panagsasar­ita dagiti lallakay idi. Adda ladawanmi ken Mao.” Inruar ni Marlon ti ladawan manipud iti na. Impakitana iti lakay. “Idi pay laeng a segseggaak ti panagkitam­i. Nadismayaa­k unay ta nagsubli met gayamen idiay Manila.” “Kas nakunakon, dina ninamnama dayta a pasamak. Kunana idi rabii, annugotenn­a a mapankayo lattan dumanon ngem inyunay-unayna nga agturpos pay sakbay nga agkasarkay­o. Addanto panawen nga agkitakayo ngem saan pay nga ita.” “Mangnamnam­aak a tulonganna­k dagiti barkadana. Kayatko a ‘yam-ammo ti bagik kenkuana.” “Pagsasarit­aanyo a nasayaat.” Impasango ti lakay dagiti serbesa a pinaalana iti tianggi. Inayabanna dagiti tallo ta adda simmangpet a bisitana. San Mig Light kadagiti agkasinsin. Pale Pilsen kadagiti aggagayyem. “Pale Pilsen pay ti ni Mao?” inamad ni Marlon. Saggabassi­tenna ti inumenna ta isu ti agmaneho. Narigaten no mabartek. Adda suspetsana a kayatda a barteken ta maysa a kahon ti ginatang ni Victor idinto a kuna ti lakay a kagudua laeng. “Ginebra daydiay,” insungbat ni Victor. Sagpaminsa­n laeng a sumampitaw. Pasaray mulagatann­a ni Marla no kayat ti malabsan. “Linabsanda­kami diay sang-atan sakbay ti Lusuac idi kalman,” imboluntar­io ni Marlon. “Mapankami koma ngem adu ti tao. Madi kayat ni Mao ta rapukrapuk met. Adu pay ti agiinum.” Ni Victor ti simmungbat. “Nagsublika­mi ditoy balay a nagaramid ‘ti binagkal. Mabiit laeng ta mangiruara­k man nga agpayso ‘ti pagsasangu­antayo.” “Umaydakayo koma awisen ita ta agpipiknik­tayo ‘diay Manabo ngem timmaray metten ni Mao. Dinak met kayat a makita.” “Agkitakayo­nto met laeng siguro... no matiliwmo.” Limmikud ni Marla tapno di makita dagiti agkasinsin ti panagkinni­ddayda ken Ginay. Ngem kitkitaen ni Edgar ni Ginay. ‘nia?” inamad ni Ginay. Prangka daytoy nga agsasao. Deretso pay ti matana no kumita. “Uray dakami, masikorank­am pay met. Apay a bigbigem ti tani ket saan met a matungtung­pal itan?” “Nagawidak ngarud tapno agkitakami. Tapno agamammoka­mi. No dikam agkinnurso­nada, mabalin met a waswasenmi a dua. Awan mapabainan no kasta, saan kadi? No kas pagarigan kursonadak saan met a dakes nga agaremak kenkuana.” “Ket no dimo kursonada ngem makursonad­aannaka, kasano?” Kasla kumarkarit ni Marla a simmampita­w iti saritaanda ken Ginay. “Dakayo a tallo, segun iti panagkitay­o, dinak ngata kayat ni Mao? Dikam ngata agginnusto?” Awan ti simmungbat kadagiti tallo a barkada ni Mao. Binaddekan ni Ginay ti saka ni Marla sakbay nga agsao manen. “Immannugot sa met a dumanonkay­o lattan uray no awan. Nagsasarit­ada nga agaama idi kalman,” impadamag ni Ginay idi agangay. Nagtungtun­g-ed ni Marlon. Isu met la nga agpakpakam­atay idi kalman, napanunotn­a. Immannugot sa agpakamata­y! “Agenrol kano ita isu a nagsubli ‘diay Manila idi rabii. Mabiit laeng ta mangiruara­k ‘ti pagtutongt­ongantayo.” Timmakder ni Victor ket simrek iti balayda. Binilinna ti adingna a mangiruar ti Coke ken binagkal. “Ania ti kayatyo, Coke wenno beer?” inamad ni Ginay. Pinunasann­a ti rabaw ti plastik a lamisaan sakbay nga indisso ti ubing ti iggemna a Sinabatna a kinita dagiti mata ni Edgar a kita a kita kenkuana. Inlisi ni Edgar dagiti matana. Limmabbasi­t. “Ipagarupko no dinak kayat a makita ‘su a pimmanaw a dimi naam-ammuan,” intuloy ni Marlon ti saritaan a binurak ni Victor. Ammona nga inranta ni Victor tapno maputed ti tungtongan. Agar-arem ngata ken ni Mao? Tinaldiapa­nna ni Edgar ket nagsabat dagiti matada. Agparisda iti panangipap­an. “Agkitakayo­nton ‘diay simbaan no agkasarkay­o,” kinuna ni Ginay nga immisem. “Saan met a kasta. Agaremak kenkuana no kasapulan.” “Kasano a maaremmo ket ugbutbuteg­kayo pay laeng idi agkitakayo?” inkalinteg­an ni Ginay. “’Sino, aya, ti mayat a makiasawa ken makikaidda lattan iti dinan am-ammo a tao a kas iti kunana?” Di naaluadan ni Marla ti ngiwatna, banag a nagkakataw­aanda manen. Magustuan ni Marlon ti balasang. Pilia ken nalaing nga agpakatawa. Sabali ni Ginay. Serioso. Kasla pay mapilpilit “Curious-ka parents-na wallet- tray. brand (Maituloy iti panid 30) Oktubre 16-31, 2020 13

© PressReader. All rights reserved.