Bannawag : 2020-10-16

Contents : 48 : 46

Contents

mabalinda nga aramaten kadagiti nadumaduma a disso a pappapanan­da. “Ita pay ta narugianta­yo manen a paggunayen daytoy Naindaklan a Tignay, nasken a kanayonen ti Kangatuan ti panangipau­logna iti bilin tapno maulaw dagiti kabusor.” Dagiti Huk dagiti siiigam a bileg ti Partido Komunista iti Filipinas a maaramat iti panggepda a mangrabsut iti turay babaen ti bileg. Maaw-awaganda met iti “Buyot a Mangwayawa­ya iti Pagilian” wenno People’s Liberation Army wenno Hukbong Magpalaya ng Bayan kadagiti bukodda kameng. Manipud pannakatuk­kol ti duri daytoy a bileg idi 1952, binaliwand­a ti wagas ti panangagaw­da iti turay babaen ti legal wenno wenno natalna a wagas. Ngem ita, kas imparangar­angda, nagsublida manen iti panangaram­atda iti bileg. Ti Kangatuan a nadakamat ni Komander Agapito, awan sabali no di ti bigbigbige­n dagiti komunista iti Filipinas a kangrunaan ken kangatuan a turayenda. Isu ti Sekretario Heneral ti Partido Komunista iti Filipinas. Isu ti pangulo ti Politburo wenno hunta a mangituray kadagiti komunista. Adu ti sabali nga alias wenno pangawag dagiti iturayanna kenkuana, kas iti Top Man, Number One, Puon, Ramut, ken Apo Lakay. “Ti kinaawan nga ar-aramiden ditoy ti pakasikora­k,” kinuna ni Komander Doro a maaw-awagan met iti Komander Samson, Komander Kulafu ken Komander Kape. “Nalakaak a matektekan.” “Dikay’ unay agganat,” kinuna met ni Komander Tony alias Komander Imog alias Komander Magik. “Dumtengto latta.” “Aguraytayo no isut’ masapul,” kinuna met ni Komander Belong, alias Komander Bangol alias Komander Bulog. Ngem kadagiti kastoy nga ummong dagiti lallaki, nalaka nga umirteng ti panaganus ti tunggal maysa ket di magawidan ti irarasuk ti rikna dagiti managpudpu­dot. “Kasla managtungp­alkayo met amin dita idinto a pasigkayo amin a barrairong,” kinuna ni Komander Ricardo alias Carding alias Komander Kayapa alias Komander Pukol. “Nagubsang sa ket ti panagsasao­m, a,” kasla nakariing ni Komander Anding alias Komander Kiskisan. “Ne, padakkelen­yon sa ketdi ti bassit la a banag, aya?” Timmakder ni Komander Carding ket sinipatna dagiti igam iti siketna. “Agtimek ti masaksakit.” “No siak ti paspasagid­am, kabsat, sisasagana­ak iti amin nga oras,” ket timmakder met ni Komander Anding. Dinagdagus ni Komander Parce ti immabay ken ni Komander Carding. Immabay met ni Komander Laquino ken ni Komander Anding. Nagpili metten dagiti dadduma pay a komander a di pay nagtagari iti pakikappon­anda. Nagdanag ni Komander Agapito, a kangatuan iti saad iti dayta a gunglo. “Kakabsat, kakabsat, agtalnakay­o kadi, ala,” kinunana. “Kinaritnak ket,” kinuna ni Komander Carding. “Ipagarupna­n sa ketdi a mabutengak. Diakto pay nagbuteng idi naputed ti maikadua a gupgop dagitoy ramay ti akinkanigi­d nga imak.” “Sika ti immuna a kimmarit ket,” kinuna ni Komander Anding. “Ala, padasem man laeng a sagiden ti putan ‘ta paltogmo ta kitaenta no asino ti tumayab ti bangabanga­na.” “Pudno kadi a kayatmo ti—” Ket kimmayakay ni parliament­ary struggle, No panawen ti talna, saan a nakadadana­g ti peggad ket itungtungk­ua amin a panagsagan­a; sa laeng nabaringku­as ti kostabular­ia idi nariputdan a simamata. Komander Carding. Di bumurong, narigat koman a mapasarden­g ti kabil. Ngem nagpukkaw ni Komander Doro. “Hoy! Addan ti imbaon ni Apo Lakay! Agtalnakay­on, amangan no maammuanna pay dayta a kinadugesy­o.” Ket nagtalnada amin a dagus a nangiparan­garang iti kinabileg ni Apo Lakay wenno ti Kangatuan. Ket dimngegda kadagiti bilinna nga insangpet ti naibaon. 46 Oktubre 16-31, 2020

© PressReader. All rights reserved.