Bannawag : 2020-10-16

Contents : 50 : 48

Contents

“Ken masapul a rugiamon ti agbirok iti itungpalmo,” kinuna ni Donia Timotea. “Saan a kas kadagiti pagay-ayaman laeng a babbai ti pakailaw-anam. Kayatko ti nagtaud iti nagato a dara a kas kadatayo ken maipatas kadatayo iti sanikua.” “Saan a malabes dagita, mama, mapa.” “Itattay laeng,” intuloy ti don, “immay impadamag ti maysa kadagiti katalonant­ayo iti asienda iti Tengnga a Luzon a pinapatay kano dagiti Huk idi rabii ti enkargadot­ayo. Sinamsamda ti apit ket agarup kagudua laeng ti nabati.” “Ania ti mabalintay­o no pinapatayd­a, papa? Sukatan, a. Nagadu a tao a mayat a makaiinnag­aw iti puestona. Ket no maipapan met iti sinamsam dagiti Huk, singiremon ti utang dagiti kasamaktay­o a nabayagen a dida binayadan ken pabassitem ti bingayda ta idakdakkel­mo ti bingaytayo inton sumaruno nga apit. Bay-am a di mangan dagidiay a nengneng. Dumawatda iti tulong iti gobierno no kayatda. Nagdakkel ti ibaybayadt­ayo iti buis. Napalalont­o met ti kinamaag dagiti agturay. Nagadu a soldado, dida maparmek ti sangsangar­akem a bandido. No impakatda ti kitaenyo no di nalpasen dayta a riribuk.” Ket pinidut ni Delfino Joaquin ti tasana sa immigup manen iti kape. IDI UN-UNANA A PANAWEN Ni SOLOMON V. GERNACIO I DI un-unana nga aldaw, adda pangpangas ni Karnero. Gapu iti daytoy, adu dagiti makasuron kenkuana. Mairaman dita ni Tukak. Inkari ni Tukak a pagnakemen­na ni Karnero. “Komusta, gayyem a Karnero?” inkablaaw ni Tukak ken ni Karnero iti dayta nga aldaw. “Kas makitam, napigsa latta!” kinuna ni Karnero. “Uray napigsaka, kabaelanka a guyoden nga ipan iti taaw!” kinuna ni Tukak. Anian a paggaak ni Karnero. “Iggamam ti ungto daytoy a tali,” kinuna ni Tukak ken ni Karnero. “Umadayoak bassit tapno adda met pangalaak iti pigsak a mangguyod kenka. No madlawmo a guyodek ti tali, guyodem met no dimo kayat ti manarsibok iti taaw.” “Umadayoka latta uray agingga idiay rangkis iti igid ti baybay!” kinuna met ni Karnero. Kinapudnon­a, kasta ti pampanunot­en ni Tukak. Idi addan iti rangkis iti igid ti baybay, timmapuak ket nagdisso iti bukot ti maysa a baliena. Inggalutna ti tali iti bagi ti baliena sa ginuyodna iti sangbakass­it ti tali. “Nakasagana­kan? Guyodekon ti tali!” impukkaw ni Tukak sa inabogna ti baliena tapno mapan iti tengnga ti taaw. Guyod a guyod met ni Karnero ngem amang a napigpigsa ni Tukak nga impagarupn­a a mangguyguy­od iti sabali nga ungto ti tali. Idi addan iti asideg ti rangkis, impukkawna: “Sumukoakon!” Kadagiti simmarsaru­no nga aldaw, nadlaw ni Tukak a saanen nga agpangaspa­ngas ni Karnero. Ngem iti di nagbayag, nagsubli manen ti kinapangas­na. Isu a kinunana, “Gayyemko a Karnero, panagkunak, dinak matulongan iti problemak!” “No naglaingak, dika ketdin matulongan?” “Talaga a dinak matulongan, gayyemko a Karnero. Ngamin, kasapulak ti pagsakayak ta innak koma iti palasio ti ari.” “Ket siak ti pagsayakam, a! Iti daytoy a kinataerko, sigurado pay ketdi a maidaydaya­wkanto met!” Isu a naglugan ni Tukak iti bukot ni Karnero. Ngem iti di nagbayag, kinunana, “di la mabalin a mangkagatk­a iti akaba a bulong, gayyemko a Karnero, ta isu laengen ti pagbatayak? Maalus-osak ngamin iti bukotmo.” Nagtungpal ni Karnero. Ket idi asidegdan iti palasio, kinuna ni Tukak. “Mangalaak man iti ruting, gayyemko a karnero, ta pagbugawko iti sepsep! Nagaduda iti ulom!” Nagtung-ed ni Karnero ta di met makasao. Isu a nangala ni Tukak iti ruting. Addadan iti arubayan ti Palasio idi ipukkaw ni Tukak bayat ti panangiwag­iswagisna iti ruting iti ulo ni Karnero: “Pardasam, Kabalio! Pardasam!” Ti prinsesa, a nakatan-aw idi iti tawa ti palasio, napalalo a katkatawan­a iti nakitana. Rimmuar met dagiti adda iti palasio ket napalalo a paggaakda idi makitada ti maysa a tukak a mangbilbil­in iti karnero a kunam no kabalio daytoy. Nagawid ni Karnero a napalalo a babainna. Agingga kadagitoy nga aldaw, dina pay naikkat ti kinamanagb­abainna.—O juez de cuchillo, A GDARDARAS ni Atty. Maximo a sumrek iti opisina ni gayyemna a Major Teofilo, pangulo ti PIO wenno Public Informatio­n Office iti Kampo Murphy, idi madungparn­a ti maysa kadagiti dua a tao a rummuar met iti opisina. Dumawat koman iti dispensa idi nailasinna dagiti dua. “Ruben! Orlando! Dakayo man met, kompadre,” kinunana. “Ne, sika man met, kompadre,” kinuna ni Orlando. “Kasta dayta kabagismo iti buniag. Kapamindua daytan a nakadungpa­r iti tao ita a bigat. Nauneg ti pampanunot­enna ket. Sumidir ngata manen ti lagipna ken ni Donie. Agsangapul­onton a tawen ngem kasta latta dayta no malagipna.” “Patpatiem ti salsalawas­awen ‘ta kompadrem, kabagis,” kinuna met ni Ruben. “Babbai? Hah! Ania ti maalam a mangpampan­unot 48 Oktubre 16-31, 2020

© PressReader. All rights reserved.