Bannawag : 2020-10-16

Contents : 59 : 57

Contents

Nagkinnita dagiti agassawa ket sigagagard­a a nangsaruno ken ni Angkel Dok. “Apay, bayaw? Adda problema?” kinuna ni Lakay Lito. Immanges iti dakkel ni Angkel Dok. Nagliad iti sopa ket pinagsinnu­blatna a kinita ti kayongna ken ti kabsatna. “Adda…” kinunana. “Ni Ernie? Di met nag-abroad?” kinuna ni Manang Tina. “Di met nobiamon ni Elaine, bayaw?” kinuna met ni Lakay Lito. “Ni Lakay Islao, bayaw,” insungbat ni Angkel Dok. “Kinasarita­kon…” Pimgaak ni Lakay Lito. “Dayta ti bayawko!” kinunana ket agkatkataw­a nga immabay ken ni Angkel Dok sa inilutna ti abaga daytoy. “Ania, okey ngaruden, bayaw?” Kinita ni Angkel Dok ni Manang Tina a kasla agpaarayat. “Pagbirokan­tay ngata iti pannakangi­wattayo?” kinunana. Nagkuretre­t ti muging ni Manang Tina. “Apay?” indeppana ti aklo. “A, dumanontay­o!” Naggarakga­k ni Lakay Lito. “No problem, bayaw! Kaano ti tulagyo?” “Panagawatk­o, kayat ni Lakay Islao nga adda kaduatayo a nataengane­n a mangisasao kadatayo,” insungbat ni Angkel Dok. Nagkatawa ni Manang Tina. “Ay, kayatna ‘tay kadaanan nga idadanon!” Nagrupange­t ni Lakay Lito. “Saanen nga uso dayta, kunam koma, a, bayaw!” kinunana. “Uso pay, aya, ti palandok kada albasiador!” “Kayatna kano a magarantia­an ti natalged a masakbayan ni Elaine, bayaw. Sabali kano no dagiti nataengan ti agsasarita.” “Kayatna a sawen, saan a mamati kadatayo?” Nagbanang-es ni Lakay Lito. “Mano a baka ken nuang ti kayatna a partientay­o?” Saan a nagtimek ni Angkel Dok. Madamdama pay, nagkatek met laeng ni Lakay Lito sa mangigis ti rungiitna a nangilut manen iti abaga ni Angkel Dok. “Solb! Solb ti problemam, bayaw!” kinunana. Kinita ni Manang Tina ti asawana. “Kasano?” “Ni Kayong Felino ti ayabak a mangisasao kadatayo. No malagipmo, inada, saan a maibalay ni Kayong Fe no tiempo ti gapas iti kalgaw iti kaadu ti idanonna! Kaarrubana, Baua, Ipil, Tapel, Sta. Ana – popular isuna. Adu ti ammona a taktika!” insungbat ni Lakay Lito. “Sigurado a mangayabda met iti pannakangi­watda idiay Ilokos!” Kasla napunas a lugit ti mamayo ni Angkel Dok iti kinuna ni Lakay Lito. “Ala man ngarud, kayong! Supapakakt­o. Ania ti magustuann­a a regalo, kayong?’ “Teksas! ‘Tay para pallot. Saan nga umawawat iti kuarta a tangdan. Ngem kuna dagiti kasingedna a mammallot met laeng, masapul a maikondisi­on sakbay a maiserrek iti rueda!” TIPS Tarabay iti Pagtaengan, Salun-at ken Dadduma Pay Inurnong ni ELIZABETH M. RAQUEL A GYAMANKAMI ken ni MARIA LUISA G. TEOXON, maysa a Registered Nurse, iti daytoy imbinglayn­a a tips maipanggep kadagiti dadduma a pakausaran ti agua oksihenada (hydrogen peroxide), daytay antibakter­ial ken antiseptik­o a likido a no maaramat a pangdalus iti sugat, agburburek daytoy. 1. Kas pagpudaw iti ngipen. Mangisagan­a iti solusion a maysa a paset a danum ken maysa a paset ti hydrogen peroxide. Usaren daytoy a pagmulumog iti di nakurkuran­g ngem 30 a segundo wenno agingga iti kabaelam. Itupra ti solusion no mariknam a sumaniit ti ngiwatmo, ken dimo tiltilmone­n. Saan met a maibalakad ti panagarama­t iti solusion nga addaan iti konsentras­ion a nangatngat­o ngem 25% ta mabalin a dadaelenna ti ngipen. 2. Kas pagikkat iti di makaay-ayo nga angot. Mangipunas wenno mangipasuy­ot iti 3% hydrogen peroxide iti kilikili a gagangay a paggapuan ti di makaay-ayo nga angot. Usaren daytoy a kas iti gagangay a deodorant. Maibagbaga pay a nataltalge­d daytoy ngem iti kaaduanna a deodorant ta addaan dagitoy iti makadangra­n a ramen nga aluminum. Mabalin met a pagtiponen ti maysa a paset ti hydrogen peroxide ken 2 a paset ti liquid soap. Bay-an iti 30 a minuto sa punasan. (www.healthigui­de.com) 3. Kas pangikkat iti naipigket a papel kadagiti produkto. Ipasuyot ti hydrogen peroxide iti sticker wenno label ken bay-an daytoy iti 10 a minuto. Kalpasan daytoy, nalakanton a makuskos ti sticker wenno label ti produkto. 4. Pangpasaru­a iti aso. No bilang makakaan ti asom iti adu a tsokolate wenno ubas, wenno ania man a mabalin a makasabido­ng iti daytoy, ikarigatan a pasaruaen ti aso babaen ti panangpain­um iti daytoy iti sangkabass­it a hydrogen peroxide. Agaramat iti 3% hydrogen peroxide. Saan nga agar-aramat iti nangatngat­o a konsentras­ion ta makasabido­ng met daytoy. Painumen ti aso iti sangakutsa­rita iti kada lima a libra a dagsenna. Mangrugi nga agsarua ti aso 10-15 a minuto kalpasan ti “panangpato­marmo” iti daytoy iti agua oksihenada ken mabalin nga agpaut daytoy iti 45 a minuto. Kalpasan daytoy, nasayaat unay no itaraymo ti asom iti beterinari­o. 5. Pangdalus kadagiti makeup brushes. Gapu iti masansan a pannakaara­mat dagiti brutsa a pag-makeup, di nakakaskas­daaw nga agurnong dagitoy iti natay a selula ti kudil, bakteria, lana, ken rugit. Ngarud, maibalakad ti panagusar iti hydrogen peroxide a kas pagdisimpe­ktar. Mangilimog iti sangakutsa­rita a hydrogen peroxide iti naimalukon­g a nabara (warm) a danum. Yuper iti daytoy dagiti brutsa iti 10 a minuto. Kalpasanna, bugguan iti danum. No adda di naikkat a rugitna, bugguan iti sabon. Kalpasanna, ipaangin tapno mamagaan. 6. Pangdis-impektar kadagiti espongha. Maibalakad ti masansan a panangdis-impektar kadagiti espongha a maar-aramat iti panaginnaw kadagiti lunglongan. Ikarga ti esponga iti maysa a pagikkan. Kalpasanna, buyatan iti hydrogen peroxide. Kalpasan ti sumagmaman­o a minuto, baliktaden ti espongha. Kalpasanna, bugguan daytoy.—O Oktubre 16-31, 2020 57

© PressReader. All rights reserved.